恋上儿子学校的老师（05-06）(第2/2 页)

对方心意会係点。

我响个袋取左个刚买新门锁出黎， 跟住我就再同 ele 讲， 「同妳换埋把新锁去， 因为始终之前有人住过， 同埋…妳把门锁似乎删得都唔係咁好!」

ele 听倒之后正一脸感动咁话， 「係呀， 我成日上黎都觉得把锁唔係删得咁好， 有时度门直情会自动打开左添， 唔该哂你呀吴生!」

几日之后， 下昼时份， 我收到学校打电话黎， 话志仔响学校突然发高烧， 校方要求我立刻到校带志仔去睇医生， 收线之后， 我急到即时就驾车去到学校度， 接左志仔之后， 跟住我再驾车就带志仔去法国医院度睇急症。

经检查过后， 志仔証实係患左双病毒感染， 而需要即时入院留医同治疗， 正帮志仔办紧入院手续时候， 我个电话响起， 係 ele 打黎比我， ele 好急咁问住我， 「吴生， 志仔佢而家点呀?」 我讲左志仔情况比 ele 知道之后， ele 跟住就话会赶黎法国医院呢度搵我地。

办好入院手续之后， 我陪住志仔上到病房， 跟住再无几耐之后， ele 亦都已经赶到黎， 「吴生， 志仔点样呀?」 见 ele 正一面担心咁样， 我安慰住佢， 「应该唔会有大问题， 医生话係关乎近排出面啲病毒传染得太犀利， 所以好多小朋友都有呢种情况发生咁喎!」

ele 听倒之后已经鬆左一口气， 同 ele 两个一齐响病房度陪住志仔， 响医院叫饭食过之后， 跟住志仔居然同我讲， 「爹啲， 陈老师都好攰架嘞， 你不如送陈老师番屋企先啦， 我自己一个人响度打机就得架嘞!」

陈老师啤住志仔黎讲， 「喂， 边个话比你打手机架， 而家你咁样病左， 要早啲休息个人先会快啲好番架， 你仲係咁曳， 一阵我就叫医生入黎同你打针架!」

志仔好惊咁话， 「唔好呀陈老师， 我唔打机嘞， 至多我而家就瞓嘞!」 讲完志仔就用张被懞住个头黎咋瞓， 而我同 ele 两个就正相视而笑住。

ele 睇黎都好似好攰咁， 所以我亦同佢讲话驾车送佢番屋企先， 我知 ele 同佢妈妈暂时都仲係住响旧居果度， 但 ele 同我讲， 话想先去新屋度执少少野， 跟住我就话陪佢上楼帮下佢手。

上到 ele 间屋之后， 见已经有好多一袋二袋咁放左响个厅中间度， 但ele 就开始好似有啲唔自然咁， 「

本章未完，请点击下一章继续阅读！若浏览器显示没有新章节了，请尝试点击右上角↗️或右下角↘️的菜单，退出阅读模式即可，谢谢！